సెక్స్‌ పూర్తికాగానే ఆకలేస్తోంది.. ఏం చేయాలి!!

చాలామంది దంపతులు పెళ్లయిన తర్వాత సెక్స్‌లో బాగానే ఎంజాయ్ చేస్తారు. ఈ ఎంజాయ్‌మెంట్ తొలి యేడాది బాగానే ఉంటుంది. అయితే, కొంతమందికి సెక్స్‌లోపాల్గొన్న తర్వాత దాహం, ఆకలి అవుతుంది. అలాగే, తలనొప్పి, నీరసం వంటి సమస్యలు కూడా తలెత్తుతుంటాయి. మరికొంతమందికి కాళ్లు చేతులు లాగుతుంటాయి. ఇలాంటి సమస్యలు పెళ్లయిన కొత్తలో లేక పోయినప్పటికీ.. క్రమేణా వస్తుంటాయి. దీంతో వారు మరింత బాధపడుతుంటారు. ఇదేమైనా వింత సమస్యా అని బెంగపెట్టుకుని జీవిస్తుంటారు. దీనిపై వైద్య నిపుణులను సంప్రదిస్తే కింది విధంగా సమధానం ఇస్తున్నారు. 

మనిషి జీవితంలో సెక్స్‌ కూడా ఒక ఎక్సర్‌సైజ్‌ వంటిదేనని చెపుతున్నారు. చాలా మందికి సెక్స్‌లో పాల్గొన్నాక గ్లాసుడు మంచి నీళ్లు తాగాలనిపిస్తుందని, అలాగే మనం తీసుకున్న ఆహారం కూడా కొన్ని కేలరీలు ఖర్చవుతుందని చెపుతున్నారు. అలాగని సెక్స్‌ పూర్తికాగానే ఏమీ తినకూడదు, తాగకూడదు అని రూలేమీ లేదంటున్నారు. 

మీకు ఆకలైతే సెక్స్‌ అయిన తర్వాత హ్యాపీగా ఏం కావాలంటే అది తినొచ్చని చెపుతున్నారు. లేదంటే గ్లాసుడు పాలు తాగొచ్చని చెపుతున్నారు. ఇలా సెక్స్‌లో పాల్గొన్నాక నీరసం, తలనొప్పి చాలా సహజంగా వచ్చేవేనని అంటున్నారు. అలాగని పాల్గొనేవారందరికీ వస్తుందని కాదంటున్నారు. 

కొంతమందికి మాత్రమే అలా వస్తుందని చెపుతున్నారు. దీనికి ప్రధాన కారణం భావప్రాప్తి సమయంలో కొందరు స్త్రీలు కండరాలు తీవ్రంగా బిగించడం వల్ల ఈ నొప్పి వస్తుందని సమాధానం ఇస్తున్నారు. సెక్స్‌ సమయంలో మనసును రిలాక్స్‌గా ఉండేలా జాగ్రత్తలు తీసుకోండి. అవసరమైతే నిపుణులైన సెక్సాలజిస్టును సంప్రదించాలని కోరుతున్నారు.